یہ وطن تمہارا ہے، تم ہو پاسباں

[Shahbaz Latif]

یہ وطن تمہارا ہے ، تم ہو پاسباں اس کے
یہ چمن تمہارا ہے ، تم ہو نغمہ خواں اس کے


اس چمن کے پھولوں پر رنگ و آب تم سے ہے
اس زمیں کا ہر ذرہ ، آفتاب تم سے ہے
یہ فضا تمہاری ہے ، بحرو بر تمہارے ہیں
کہکشاں کے یہ جادے رہگذر تمہارے ہیں


اس زمیں کی مٹی میں خون ہے شہیدوں کا
ارض پاک مرکز ہے قوم کی امیدوں کا
نظم و ضبط کو اپنا میر کارواں جانو
وقت کے اندھیروں میں اپنا آپ پہچانو


یہ زمیں مقدس ہے ماں کے پیار کی صورت
اس چمن میں تم سب ہو برگ و بار
دیکھنا گنوانا مت دولت یقیں لوگو
یہ وطن امانت ہے اور تم امیں لوگو


میر کارواں ہم تھے، روح کارواں تم ہو
ہم تو صرف عنواں تھے ، اصل داستاں تم ہو
نفرتوں کے دروازے خود پہ بند ہی رکھنا
اس وطن کے پرچم کو سربلند ہی رکھنا


یہ وطن تمہارا ہے ، تم ہو پاسباں اس کے
یہ چمن تمہارا ہے تم ہو نغمہ خواں اس کے


یہ وطن ہمارا ہے
ہم ہیں پاسباں اس کے
یہ وطن ہمارا ہے
ہم ہیں نغمہ خواں اس کے

[golden memories]

Mera fav ........